Der Rat von Leisnig bestätigt eine Güterübertragung an einen Altar der Leisniger Kirche.

1397 Oktober 4; Leisnig.

Druck: Kreysig (1755), Dipl. Nachtrag zur Historie der Stadt Leißnig V., S. 129-130.

Niclaws Czschummeler, Burgermeister, Hanns gunczel, Nickil gundolff, Dytherich czschummler, Petir hug, Jacoff snyder, Burgere vnde gesworne der stot czu lysenig bekennen öffentlich, dass wir zwei Schock Zins auf unserem Rathaus dem Johannes Ragewitz für 20 Schock neuer Groschen verkauft haben für ein Seelgerät. Der Rat gelobt weiter im Falle des Todes von Johannes Ragewitz ein Schock Zins weiter zu zahlen.

Gegeben im Jahre 1397 in die Francisci confessoris.

Bemerkung: Man beachte den Schulmeister und den Untermeister unter den Empfängern. Es gab also eine Schule.

Kreysig (1755).

Wir Niclaws Czschummeler, Burgermeister, Hanns gunczel, Nickil gundolff, Dytherich czschummler, Petir hug, Jacoff snyder, Burgere vnde gesworne der stot czu lysenig bekennen offintlichin yn desim offenem briffe vor vns vnde vnsern nochkomelyngen, daz wir mit willen vnde mit wißin, vnde mit wolbedachim mute, vnde mit rate vnser Eldistin habin vorkkouft dem vorsichtigen Ern Johannes Ragewicz recht vnde redelich czwey schog czinß von vnserm rathuze alle jar czu reychin, eyns uff sente walporgis tag, daz andere uff sente michels tag czu synem lyebe vnd durch sunderlicher libe wegin, dy her hot czu vnser kirchin von ynnekeit wegen vnd grozer andacht, dy her hot czu dem lichnam vnsers herren ihu x. vnd czu syner Erwirdigin muter der reynen iuncvrauwen marian, zo wil her daz eyne schog selbir gebin czu selgerethe yn vnser kirche, alzo daz her dovon wil lazin halden alle Jar den heyligen lichnam dy geczyten obir dy gancze octaua, vnde ouch dy octaua vnser libin vrauwen visitacionis, vnde sal dovon gebin dem pharrer vj gl., yglichin cappelan iiij. gl. vnde czwen altaristen viij gl. dem glockener iij gl. dem schulemeister iij gl. dem vndermeister ij gl. Dyselbin czwey schog czinß habe wir ym vorkouft vmme czwenzig schog nüer groschin, dy wir nüczlichin an vnser stat gewant habin. Ouch globe wir, ab der egnante Er Johannes Ragewicz abeginge, daz got lange wende, daz wir den Alterluten sullen vnde wollen bewisin eyn ewig schog czinß, adir selbir gebin sullen von vnserm rathuz, dovon sy den lichnam vnsers herren, vnd vnser vrauwen visitacionis, alz vorgeschrebin stet, Eweclichyn sullen lazin halden. Daz wir dese vorgeschrebene rede, stucke vnde Artickel stete vnde gancz haldin sullen vnde wollen, ane arg vnde ane allirley intrag, da habe wir mit wißin vnde mit rate vnser Eldistin vnser Ingesigil lazin hangen an desin offenen briff, der do gegebin ist noch gotis gebort dryczenhundirt Jar, dornoch yn deme Sebin vnde nünczigisten Jare, In die Francisci confessoris.